Кіріспе

"Әділет" АҚЖ-бұл іздеу веб-жүйесі және Қазақстанның Нормативтік құқықтық актілерінің толық электрондық жиынтығы..

Оның басқа электрондық заңдар жиынтығынан айырмашылығы неде?

Біріншіден, "Әділет" жүйесі мүлдем тегін.

Екіншіден, онда елдің барлық заңдары екі тілде: қазақ және орыс тілдерінде қамтылған.

Үшіншіден, базаның мазмұны тек ресми көздерден құралады.

Ақырында, база үнемі жаңартылып отырады.

1.1. Бағдарлама мүмкіндіктерінің қысқаша сипаттамасы

Бағдарлама келесі функцияларды ұсынады:

• ұсынылған нұсқаларды таңдау арқылы іздеу сұрауын дәйекті нақтылау мүмкіндігімен іздеу параметрлерін көрсете отырып, мәтін бойынша Қазақстан Республикасының НҚА-рын іздеу;
• НҚА мәтіндерін және олардың деректемелерін қарау;
• өзгерістер тарихын және НҚА-ның алдыңғы нұсқаларын қарау;
• байланысты НҚА бойынша навигация (өтулер);
• пайдаланушының сұрауы бойынша НҚА-ның электрондық көшірмесін жергілікті жеткізгіште сақтау;
• Интерфейс тілі мен құжаттарды ауыстыру (локализация);
• НҚА-ны екі тілде қатар қарау мүмкіндігін қамтамасыз ету;
• НҚА-ны PDF форматына экспорттау
• сайтты безендіру элементтерінсіз құжаттарды басып шығару;
• RSS форматында соңғы құжаттар таспасын ұсыну;
• соңғы және ең танымал НҚА тізімдерін көрсету;
• базаның жай-күйі туралы ақпарат беру.

1.2.Жүйеге кіру

Жүйемен жұмыс істеуді бастау үшін веб-шолғыштың мекенжай жолағында оның URL-адресін: http://adilet.zan.kz көрсету арқылы басты бетіне өтіңіз. Сондай-ақ ресурсқа Қазақстан Республикасы Әділет министрлігінің http://www.adilet.gov.kz/ сайты арқылы кіріп, "Әділет" ақпараттық-құқықтық жүйесі(kz)/ Информационно-правовая система "Әділет"(ru) бөліміне өтуге болады.

1.3. Жұмыстың басталуы

НҚА базасында құжаттарды іздеуді Басты беттен бастауға болады. Іздеу терезесіне құжаттың атауын, құжаттың№, құжаттың күнін немесе құжатта кездесетін сөздерді енгізуге болады. Іздеу сұрауының мысалы төмендегі суретте келтірілген. Сондай-ақ, сіз "НҚА іздеу" батырмасын жүйенің бүйірлік басқару тақтасы бар бөліміне өтіп, сол жерде сұраныс жасай аласыз.