Шектеу іс-шараларын алу және Қазақстан селолық округі әкімінің 2015 жылғы 31 шілдедегі "Шектеу іс-шараларын белгілеу туралы" № 1 шешімінің күші жойылды деп тану туралы

Павлодар облысы Железин ауданы Қазақстан селолық округі әкімінің 2015 жылғы 02 желтоқсандағы № 02 шешімі

Қазақстан Республикасының 2001 жылғы 23 қаңтардағы "Қазақстан республикасындағы жергілікті мемлекеттік басқару және өзін-өзі басқару туралы" Заңының 35, 37-баптарына, Қазақстан Республикасының 2002 жылғы 10 шілдедегі "Ветеринария туралы" Заңының 10-1 бабы 8) тармақшасына сәйкес, Железин ауданының бас мемлекеттік ветеринариялық-санитариялық инспекторының 2015 жылғы 25 қарашадағы № 1-08/498 ұсынымы негізінде, ШЕШІМ қабылдаймын:
1. Ауыл шаруашылық жануарларының лейкозбен ауыру ошақтарын жою жөніндегі ветеринариялық іс-шаралар кешені жүргізілуіне байланысты, "Бакауов" шаруа қожалығына тиесілі Железин ауданы Қазақстан селолық округінің Жаңа жұлдыз селосындағы алаңы 174,6 шаршы м., кадастрлық № 14-206-016-361, жер учаскесі аумағындағы шектеу іс-шаралары алынсын.
2. Қазақстан селолық округі әкімінің 2015 жылғы 31 шілдедегі "Шектеу іс-шараларын белгілеу туралы" № 1 шешімінің (Павлодар облысы Әділет департаментінің нормативтік құқықтық актілер тізілімінде 2015 жылғы 04 қыркүйекте № 4686 болып тіркелген, аудандық "Туған өлке" газетінің 2015 жылғы 12 қыркүйектегі № 36 және "Родные просторы" газетінің 2015 жылғы 12 қыркүйектегі № 36 сандарында жарияланған) күші жойылды деп танылсын.
3. Осы шешімнің орындалуын бақылауды өзіме қалдырамын.

Қазақстан селолық округінің әкімі

З. Оразакова