"Құқықтық актілер туралы" Қазақстан Республикасының Заңының 27-бабына, "Ветеринария туралы" Қазақстан Республикасының Заңының 10-1 бабының 8)-тармақшасына сәйкес, Қазақстан Республикасы Ауыл шаруашылығы министрлігі Ветеринариялық бақылау және қадағалау комитетінің Қарқаралы аудандық аумақтық инспекциясының бас мемлекеттік ветеринариялық- санитариялық инспекторының 2023 жылғы 19 мамырдағы №15-4-1/179 ұсынысы негізінде ШЕШТІМ:
1. Қарқаралы ауданы, Шарықты ауылдық округінің Теректі ауылында орналасқан азамат Сейсенбаев Бауыржанның жеке қосалқы шаруашылығының аумағында ірі қара малдарының арасында құтыру ауруын жою бойынша кешенді ветеринариялық-санитариялық іс-шаралардың жүргізілуіне байланысты, белгіленген шектеу іс-шаралары алынып тасталсын.
2. Қарағанды облысы Қарқаралы ауданы Шарықты ауылдық округі әкімінің 2023 жылғы 20 наурыздағы №2 "Шектеу іс-шараларын белгілеу туралы" шешімі жойылсын.
3. Осы шешімнің орындалуын бақылауды өзіме қалдырамын.
4. Осы шешім оның алғашқы ресми жарияланған күнінен бастап қолданысқа енгізіледі.
| Шарықты ауылдық округінің әкімі | А.Ногербеков |
