Қазақстан Республикасының Үкіметі қаулы етеді:
"Қазақстан Республикасының азаматтығы туралы" Қазақстан
Республикасының Заңына өзгерiстер мен толықтырулар енгізу туралы"
Қазақстан Республикасы Заңының жобасы Қазақстан Республикасының Парламенті
Мәжілісінің қарауына енгізілсін.
Қазақстан Республикасының
Премьер-Министрі
Жоба
Қазақстан Республикасының Заңы
"Қазақстан Республикасының азаматтығы туралы"
Қазақстан Республикасының Заңына өзгерiстер
мен толықтырулар енгізу туралы
"Қазақстан Республикасының азаматтығы туралы" Қазақстан Республикасының 1991 жылғы 20 желтоқсандағы Z914800_ Заңына (Қазақстан Республикасы Жоғарғы Кеңесiнiң Жаршысы, 1991 ж., N 52, 636-құжат; Қазақстан Республикасы Жоғарғы Кеңесiнiң Жаршысы, 1995 ж., N 19, 117-құжат) мынадай өзгерiстер мен толықтырулар енгізiлсiн:
3-баптың бiрiншi бөлiгі мынадай мазмұндағы үшiншi абзацпен
толықтырылсын:
"Қазақстан Республикасының аумағында туған және шет мемлекеттiң
азаматтығында тұрмайтын адамдар;";
4-бапта "балалардың", "олардың", "куәлiктерiмен" деген сөздер
"баланың", "оның", "куәлiгімен" деген сөздермен ауыстырылсын;
6-бап мынадай редакцияда жазылсын:
"6-бап. Шетелдiктердiң және азаматтығы жоқ адамдардың құқықтық жағдайы
Конституцияда, заңдарда және халықаралық шарттарда өзгеше көзделмесе,
шетелдiктер мен азаматтығы жоқ адамдар Қазақстан Республикасында азаматтар
үшiн белгіленген құқықтар мен бостандықтарды пайдаланады, сондай-ақ
мiндеттердi атқарады.";
11-бапта:
"балалардың" деген сөз "баланың" деген сөзбен ауыстырылсын;
екiншi бөлiк алынып тасталсын;
12-баптың тақырыбында "балалардың" деген сөз "баланың" деген сөзбен
ауыстырылсын;
13-баптың тақырыбында "балалардың" деген сөз "баланың" деген сөзбен
ауыстырылсын;
14-баптың тақырыбында "балаларының" деген сөз "баласының" деген
сөзбен ауыстырылсын;
16-бапта:
бiрiншi бөлiктің 1) тармақшасында:
"Қазақстан Республикасы азаматтарымен" деген сөздерден кейiн "кемiнде
үш жыл" деген сөздермен толықтырылсын;
екiншi абзацта:
"саяси себептермен", "мәжбүр болған" деген сөздер алынып тасталсын, "кетуге" деген сөз "кеткен" деген сөзбен ауыстырылсын;
қазақ тiлiндегі мәтiнде "тармақшаның" деген сөз өзгерiссiз қалдырылсын;
2) тармақшасында "бұрынғы одақтас" деген сөздердiң алдынан "Қазақстан Республикасында тұрақты тұру мақсатымен келген" деген сөздермен толықтырылсын;
17-бап мынадай мазмұндағы екiншi және үшiншi бөлiктермен толықтырылсын:
"Осы баптың 7) тармақшасының ережелерi осы Заңның 16-бабының бiрiншi бөлiгінiң 1) тармақшасының екiншi абзацында көрсетiлген және шетелдік азаматтықтан бас тарту туралы жазбаша өтiнiшпен iшкi iстер органдарына жүгiнген адамдарға қолданылмайды.
Мұндай жүгіну фактiсi туралы ақпарат және жүгiнген адамдар Қазақстан Республикасының азаматтығына қабылданған жағдайда олардың шетелдiк паспорты заңдармен белгіленген тәртiппен шет мемлекетке жiберiледі.";
18-бап мынадай мазмұндағы бөлiкпен толықтырылсын:
"Осы Заңның 16-бабының бiрiншi бөлiгі 1) тармақшасының талаптары
мұндай адамға қолданылмайды.";
20-бап мынадай мазмұндағы екiншi бөлiкпен толықтырылсын:
"Егер баланың бiрге тұратын ата-анасының екеуi де немесе ата-анасының
бiреуi Қазақстан Республикасының азаматтығынан шықса және республикадан
тыс жерге кететiн болса, Қазақстан Республикасының азаматы болып табылатын
бала ата-анасының өтiнiшi бойынша Қазақстан Республикасының азаматтығынан
шыға алады.";
21-бапта:
4) тармақшада "бес" деген сөз "үш" деген сөзбен ауыстырылсын;
екiншi бөлiк алынып тасталсын;
4-тараудың тақырыбында "балалардың" деген сөз "баланың" деген сөзбен
ауыстырылсын;
22-бапта:
тақырыпта "балалар" деген сөз "бала" деген сөзбен ауыстырылсын;
бiрiншi бөлiкте "балаларының" деген сөз "баланың" деген сөзбен
ауыстырылсын;
23, 24, 25-баптардың тақырыптарында "балалардың" деген сөз "баланың"
деген сөзбен ауыстырылсын;
24-баптың екiншi сөйлемi алынып тасталсын;
25-бапта "14 жасқа дейiнгi" деген сөздер алынып тасталсын;
27-бап мынадай редакцияда жазылсын:
"27-бап. Асырап алу жағдайында баланың Қазақстан Республикасы
азаматтығының сақталуы
Шетелдiктер, азаматтығы жоқ адамдар асырап алған Қазақстан Республикасының азаматы болып табылатын баланың Қазақстан Республикасының азаматтығы өзінің кәмелетке толғанына дейiн сақталады.
Қазақстан Республикасының азаматтары асырап алып, асырап алушылардың екеуi де немесе асырап алушылардың бiреуi Қазақстан Республикасының азаматтығынан шыққан жағдайда баланың Қазақстан Республикасының азаматтығы өзiнiң кәмелетке толғанына дейiн сақталады.
Осы бапта аталған баланың Қазақстан Республикасының азаматтығынан
шығуына ол кәмелетке толғаннан кейiн және оның еркiмен ғана жол берiледi.";
28-баптың мәтiнiнде "Балалардың", "балалардың", "олармен", "олардың"
деген сөздер "Баланың", "баланың", "онымен" "оның" деген сөздермен
ауыстырылсын;
29-баптың екiншi бөлiгінiң екiншi абзацында "басқа мемлекеттердiң
азаматтарын" деген сөздер "шетелдiктердi" деген сөзбен ауыстырылсын;
33-баптың екiншi бөлiгінде "балаларды", "олардың" деген сөздер
"баланы", "оның" деген сөздермен ауыстырылсын;
38-бапта "1-тармағында" деген сөздер "1) тармақшасында" деген
сөздермен ауыстырылсын;
39-баптың екінші бөлігінде "балалар", "олардың" деген сөздер "бала",
"оның" деген сөздермен ауыстырылсын;
9-тарау және 42-бап мынадай редакцияда жазылсын:
"9-тарау. Халықаралық шарттар
42-бап. Халықаралық шарттардың қолданылуы
Егер Қазақстан Республикасы бекіткен халықаралық шарттар осы Заңда
қамтылғандардан өзге ережелер белгіленген болса, халықаралық шарттың
ережелері қолданылады.".
Қазақстан Республикасының
Президенті
Мамандар:
Багарова Ж.А.,
Қасымбеков Б.А.
