ЗҚАИ-ның ескертпесі!
Қолданысқа енгізілу тәртібін 2-тармақтан қараңыз
Қазақстан Республикасының Үкіметі ҚАУЛЫ ЕТЕДІ:
1. "Мемлекеттік кәсіпорындар, акцияларының (жарғылық капиталға қатысу үлестерінің) елу пайызынан астамы мемлекетке тиесілі заңды тұлғалар және олармен үлестес тұлғалар жүзеге асыратын қызмет түрлерінің тізбесін бекіту туралы" Қазақстан Республикасы Үкіметінің 2015 жылғы 28 желтоқсандағы № 1095 қаулысына мынадай толықтырулар енгізілсін:
көрсетілген қаулымен бекітілген мемлекеттік кәсіпорындар, акцияларының (жарғылық капиталға қатысу үлестерінің) елу пайызынан астамы мемлекетке тиесілі заңды тұлғалар және олармен үлестес тұлғалар жүзеге асыратын қызмет түрлерінің тізбесінде:
"5. Акцияларының (жарғылық капиталға қатысу үлестерінің) елу пайызынан астамы мемлекетке тиесілі ұлттық басқарушы холдингтердің, ұлттық холдингтердің және өзге де заңды тұлғалардың еншілес, тәуелді заңды тұлғалары және олармен үлестес тұлғалар жүзеге асыратын қызмет түрлері" деген бөлім мынадай мазмұндағы реттік нөмірлері 185 және 186-жолдармен толықтырылсын:
"
185. * | Авиациялық бензин мен керосиннің көтерме саудасы | 46715 |
186. ** | Дүкендерден тыс өзге де бөлшек сауда | 47999 |
";
мынадай мазмұндағы ескертпемен толықтырылсын:
"Ескертпе:
* 185-тармақта көрсетілген қызмет "ҚазМұнайГаз" ұлттық компаниясы" акционерлік қоғамының қызметімен шектеледі;
** 186-тармақта көрсетілген қызмет "ҚазМұнайГаз-Аэро" жауапкершілігі шектеулі серіктестігінің 5 жылдық даму жоспары бойынша жол картасын орындау шеңберінде авиациялық бензин мен керосинді 5 жыл мерзімге бөлшек саудада өткізу мақсатында "ҚазМұнайГаз-Аэро" жауапкершілігі шектеулі серіктестігінің қызметімен шектеледі.".
2. Осы қаулы алғашқы ресми жарияланған күнінен бастап қолданысқа енгізіледі және 2022 жылғы 22 шілдеден бастап туындаған құқықтық қатынастарға қолданылады.
|
Қазақстан Республикасының Премьер-Министрі |
Ә. Смайылов |
