Качир ауданының ормандары, жайылмалар мен дала аумақтарындағы өрт қауiпсiздiгiн қамтамасыз ету туралы

Күшін жойған

Качир аудандық әкімиятының 2003 жылғы 18 қыркүйектегі N 243/9 қаулысы. Павлодар облысының Әділет басқармасында 2003 жылғы 23 қазанда N 2088 тіркелді. Күші жойылды - Павлодар облысы Қашыр аудандық әкімдігінің 2006 жылғы 12 маусымдағы N 176/6 қаулысымен.

Ескерту. Күші жойылды - Павлодар облысы Қашыр аудандық әкімдігінің 2006 жылғы 12 маусымдағы N 176/6 қаулысымен.

Қазақстан Республикасының 2001 жылғы 23 қаңтардағы "Қазақстан Республикасындағы жергiлiктi мемлекеттiк басқару туралы" N 148-II, 1996 жылғы 22 қарашадағы "Өрт қауiпсiздiгi туралы" N 48-1 Заңдарына сәйкес, аудан аумағындағы ормандар, жайылмалар мен дала аумақтарында өрт қауiпсiздiгiн қамтамасыз ету мақсатында аудан әкiмдiгi ҚАУЛЫ етедi:
1. Қосымшаға сәйкес үлкен көлемдi табиғи өрттердi ұйымдастыру жөнiндегi аудандық жедел штаб (бұдан әрi жедел штаб) құрылсын.
2. Жедел штабтың қоса берiлiп отырған Ережесi бекiтiлсiн.
3. Ауылдық округ әкiмдерiне:
1) жергiлiктi жерлерде үлкен көлемдi табиғи өрттердi сөндiрудi ұйымдастыру жөнiндегi штабтар құрсын;
2) меншiктiң барлық нысанындағы шаруашылықтар мен кәсiпорындардың (келiсiм бойынша) күштерi мен құралдарын үлкен көлемдi табиғи өрттердi сөндiруге тарту ережесiн әзiрлеудi қамтамасыз етсiн:
4. "23-өрт сөндiру бөлiмi" мемлекеттiк мекемесiне (келiсiм бойынша):
1) ауылдық округтерде өрт сөндiру техникалық тексеруiн және табиғи өрттi сөндiру кезiнде күштер мен құрал-жабдықтардың өзара iс-қимылы бойынша практикалық оқулар жүргiзсiн;
2) өрт техникалық станциясының жауынгерлiк әзiрлiк дайындығын тексерсiн;
3) Качир ауданының аумағында үлкен көлемдегi өрттердi сөндiру үшiн күштер мен құрал-жабдықтарды тартудың жедел жоспарын тексерiп және түзетсiн.
5. Үлкен көлемдi табиғи өрттер болғанда қатыстырылатын күштер мен құрал-жабдықтарды пайдаланудағы төлем төлеу:
1) әртүрлi кәсiпорындар жерiнде болса сол кәсiпорын есебiнен;
2) мемлекеттiк жер қорының жерiнде болса төтенше жағдайларды жоюға аудан бюджетiндегi қарастырылған қаржы есебiнен жүргiзiлсiн.
6. Осы қаулының орындалуын бақылау аудан әкiмiнiң орынбасары Б.М.Сералиновқа жүктелсiн.

Аудан әкiмi

КЕЛIСIЛГЕН:
"23-өрт сөндiру бөлiмi"
мемлекеттiк мекемесiнiң
бастығы

Аудан әкiмдiгiнiң
2003 жылғы 18 қыркүйектегi
"Качир ауданының ормандары,
жайылмалар мен дала аумақтарындағы
өрт қауiпсiздiгiн қамтамасыз ету туралы"
N 243/9 қаулысын қосымша

Үлкен көлемдi табиғи өрттердi сөндiрудi ұйымдастыру жөнiндегi аудандық жедел штабтың ҚҰРАМЫ

Сералинов Бауыржан Мерғалымұлы	- аудан әкiмiнiң орынбасары, штабтың аға жедел бастығы
Сәдуақасов Нұрғали Мұқатайұлы	- аудан әкiмi аппаратының төтенше жағдай жөнiндегi бас маманы, аға жедел бастықтың орынбасары
Штаб мүшелерi:
Арынов Бауыржан Серiкбайұлы	- "23-өрт сөндiру бөлiмi" мемлекеттiк мекемесiнiң бастығы (келiсiм бойынша)
Нұржұмбаев Еренғайып Сембайұлы	- "Қазақавтодор" республикалық мемлекеттiк мекемесi Павлодар облыстық филиалының -74 жолды пайдалану учаскесiнiң бастығы
Тәңiрбергенов Ақылбек Төлегенұлы	- аудан экономика және кәсiпкерлiктi дамыту бөлiмiнiң меңгерушiсi
Қайыржанов Айсұлтан Нұрымұлы	- аудандық ауыл шаруашылығы басқармасының бастығы
Корощенко Александр Михайлович	- аудан бойынша жер ресурстарын басқару жөнiндегi комитетiнiң төрағасы
Ұқпаева Шаин Иманалиқызы	- аудандық қаржы бөлiмiнiң меңгерушiсi
Әтiкеев Ерiк Қайдошұлы	- аудандық коммуналдық шаруашылық және коммуникациялар бөлiмiнiң меңгерушiсi
Зайцев Сергей Вячеславович	- аудандық телекоммуникациясы торабының директоры (келiсiм бойынша)
Райник Тамара Михайловна	- аудандық денсаулық сақтау бөлiмiнiң меңгерушiсi
Вагнер Андрей Андреевич	- Качир ауданының электр жүйесi "ашық акционерлiк қоғамының директоры (келiсiм бойынша)
Марченко Евгений Алексеевич	- "Качир өндiрiстiк жол участогi" жауапкершiлiгi шектеулi серiктестiгiнiң директоры (келiсiм бойынша)
Кургузкин Григорий Иванович	- "Максим Горький атындағы жануарлар әлемiн және орманды қорғау" жөнiндегi мемлекеттiк мекеменiң директоры (келiсiм бойынша)
Қалкамбеков Дабылбек Сарсенбайұлы	- аудандық iшкi iстер бөлiмiнiң бастығы (келiсiм бойынша)

Аудан әкiмдiгiнiң
2003 жылғы 18 қыркүйектегi
"Качир ауданының ормандары,
жайылмалары мен дала
аумақтарында өрт қауiпсiздiгiн
қамтамасыз ету туралы"
N 243/9 қаулысымен
бекiтiлген

Үлкен көлемдi табиғи өрттердi сөндiрудi ұйымдастыру жөнiндегi ауданының жедел штабының
ЕРЕЖЕСI

1. Жалпы ережелер

1. Үлкен көлемдi табиғи өрттердi сөндiрудi ұйымдастыру жөнiндегi аудандық жедел штаб (бұдан әрi- Жедел штаб) үлкен көлемдi табиғи өрттердi жою мен ескерту жөнiндегi iс шараларды ұйымдастырады, меншiк нысандары мен ведомстволық иелiгiне қарамастан, өрттiң көлемiне қарай ұйымдардың материалды техникалық ресурстарын жұмылдырады, қазақстан Республикасында қолданылып жүрген заңнамаға сәйкес үлкен көлемдi табиғи өрттердi жоюда әр түрлi ведомстволар iс - әрекетiн үйлестiрудi жүзеге асырады.
2. Жедел штаб өз қызметiнде табиғи және техногендiк сипаттағы төтенше жағдайларды жою және ескерту мәселесiнде қоғамдық қатынасты реттейтiн қазақстан Республикасының нормативтiк - құқықтың актiлерiн, табиғи және техногендiк сипаттағы төтенше жағдайлардың алдын алу және жою мәселесi жөнiндегi халықаралық келiсiмдi, аудан әкiмi мен әкiмдiгi актiлерiн, сондай ақ осы Ереженi басшылыққа алады.

2. Жедел штабтың мақсаты мен мiндеттерi

3. Үлкен көлемдегi өрттердi ескерту және жою жөнiндегi шараларды ұйымдастыру, ұйымдардағы материалды-техникалық қорларды жұмылдыру, меншiк нысанына және ведомстволарға жататынына қарамастан әртүрлi ведомстволардың iрi көлемдi өрттердi жоюда iс-әрекеттерiн үйлестiру жедел штабтың негiзгi мақсаты болып табылады.
4. Жедел штабтың негiзгi мiндеттерi:
1) үлкен көлемдi өрттердiң туындау қаупi бар орман шаруашылығы кәсiпорындарының, демалу орындарының, елдi мекендердiң аумақтарында өрт-техникалық тексеру жүргiзедi;
2) үлкен көлемдi өрттердi сөндiру үшiн күштер мен құралдарды жұмылдыру жоспарына кiрген, барлық меншiк нысанындағы кәсiпорындардың күштерi мен құралдарының жауынгерлiк дайындығына тексеру жүргiзедi;
3) өрттердi сөндiру кезiнде күштер мен құралдардың өзара iстер бойынша тәжiрибелiк жаттығулар жүргiзедi.

3. Жедел штаб мүшелерiнiң негiзгi қызметтерi

5. Аудан әкiмiнiң орынбасары, (жедел штабтың аға жедел бастығы) облыс аумағында үлкен көлемдi өрттiң туындағаны туралы хабар алған кезде:
1) (аудандық) өрт сөндiрудi ұйымдастыруға басшылық жасауды жүзеге асыратын жедел штабтың деңгейiн анықтайды; өкiмдер бередi, жедел штабтың iске кiруi қажет болатын жағдайда жедел штабтың аға жедел бастығының орынбасарына аудан әкiмi аппаратының төтенше жағдай жөнiндегi бас маманының төтенше жағдайлар жөнiндегi жедел штабты жинау туралы өкiм бередi;
2) Жедел штабтың жедел мәжiлiсiн өткiзедi;
3) үлкен көлемдi табиғи өрттердi сөндiрудiң басшысын, өрт болған жердегi жедел штабтың лауазымды тұлғаларын тағайындайды;
4) барлау жасаудың қажеттiлiгiн, мерзiмiн, тәсiлдерiн анықтайды;
5) үлкен көлемдi табиғи өрттi сөндiруге жұмылдырылатын күштер мен құралдардың қажетi мөлшерiн анықтайды;
6) үлкен көлемдi табиғи күштер мен құралдар бөлетiн нақты ұйымдар мен кәсiпорындардың нақты тiзiмiн анықтайды;
7) үлкен көлемдi табиғи өрттi сөндiру барысын тiкелей бақылайды.
6. Аудан әкiмi аппаратының төтенше жағдай жөнiндегi бас маманы (Жедел штабтың аға жедел бастығының орынбасары) облыс аумағында үлкен көлемдi табиғи өрттердiң туындағандығы туралы хабар алған кезде:
1) туындаған жағдайға байланысты азаматтық қорғаныс күштерi мен құралдарының толық дайындыққа келтiрiлуiне нұсқау бередi;
2) Жедел штабтың аға жедел бастығының шешiмiн iске асырылуын қамтамасыз етедi;
3) үлкен көлемдi табиғи өрттердi сөндiру барысына бақылау жасайды;
4) үлкен көлемдi табиғи өрттер туралы жалпы ақпараттар жинауды жүзеге асырады;
5) Жедел штабтың аға жедел бастығына ақпарат берiп отырады;
6) өрт сөндiрудi жақсартуға бағытталған ұсыныстар енгiзедi;
7) үлкен көлемдi табиғи өрт салдарын талдаудың нәтижесi бойынша қолдану үшiн Жедел штабқа ұсыныстар енгiзедi.
7. "23-өрт сөндiру бөлiмi" мемлекеттiк мекемесiнiң бастығы (Жедел штаб мүшесi) аудан аумағында үлкен көлемдi табиғи өрттiң туындағандығы туралы хабар алған кезде:
1) өрт сөндiрушiлер қызметiнiң кезекшi қарауылына өрт болған жерлерге жөнелту үшiн нұсқау бередi;
2) қажет болған жағдайда аудандық өртке қарсы қызметi бөлiмшесiн қызметтi өтеудiң күшейтiлген түрiне көшуге нұсқау бередi және жауынгерлiк есепке қордағы өрт техникаларын енгiзедi;
3) Жедел штабтың нұсқауы бойынша үлкен көлемдi табиғи өрт болған жерге көрсетiлген күш пен жабдықтарды жiбередi;
4) аудан өртке қарсы мемлекеттiк қызметi бөлiмшесi оперативтiк кезекшi арқылы аудандық өрт сөндiрудiң жедел жоспарына сәйкес үлкен көлемдi табиғи өрттердi сөндiру үшiн ұйымдар мен кәсiпорындардың күштерi мен жабдықтарын көтеру мен жөнелтудi жүзеге асырады;
5) Жедел штабтың нұсқауы бойынша үлкен көлемдi табиғи өрттердi сөндiруге басшылық жасайды; өрт сөнгеннен кейiн өрт талдау нәтижесi бойынша жедел штабқа анықтама дайындайды.
8. "Максим Горький" атындағы жануарлар әлемiн және орманды қорғау жөнiндегi мемлекеттiк мекеме (Жедел штаб мүшесi) орман мен жануарлар әлемiн қорғау жөнiндегi мемлекеттiк мекемелер аумағына үлкен көлемдi табиғи өрттерi туындағандығы туралы хабар алған кезде:
1) қажет болған жағдайда облыстық аудандар маңының көршi орманшылықтарымен қарым-қатынас жоспарын енгiзудi ұйымдастырады;
2) үлкен көлемдi табиғи өрттердi сөндiру үшiн штабқа жұмылдырылатын күш пен құралдардың қажеттi мөлшерi туралы ұсыныс енгiзедi;
3) басқа ұйымдардың қызметкерлерi үлкен көлемдi табиғи өрттердi сөндiру басшылығына тағайындалған өз қызметiн онымен келiседi.
9. Аудандық телекоммуникациялар жүйелер дирекциясының директоры, (Жедел штаб мүшесi) үлкен көлемдi табиғи өрттер болып жатқан жерлермен Жедел штабтың үздiксiз байланысын қамтамасыз етедi.
10. "Качир ауданының электр жүйесi" ашық акционерлiк қоғамының директоры ауданның iрi көлемдегi табиғи өрттерiн сөндiру кезiнде үздiксiз электр энергиясын берудi қамтамасыз етсiн.
11. "Қазақавтодор" республикалық мемлекеттiк мекемесi Павлодар 74-жолды пайдалану учаскесi, "Качир өндiрiстiк жол участогi" жауапкершiлiгi шектеулi серiктестiгi тиiсiнше автокөлiк жолдары бойымен уақытында жырту жүргiзудi қамтамасыз етсiн.
12. Аудан коммуналдық шаруашылық, көлiк және коммуникациялар бөлiмiнiң меңгерушiсi (Жедел штаб мүшесi):
1) кәсiпорындардың үлкен көлемдi табиғи өрттер болған жерлерге күш пен құралдарды тасымалдау үшiн автобус бөлуiн ұйымдастырады;
2) Жедел штабтың талаптары бойынша жарақаттанғандарды медициналық мекемелерге үшiн автобус бөлуiн ұйымдастырады;
3) Жедел штабтың талаптары бойынша үлкен көлемдi табиғи өрттер болған жерлерге жанар-жағар май материалдарын жеткiзудi ұйымдастырады.
13. Аудан экономика және кәсiпкерлiктi дамыту бөлiмiнiң меңгерушiсi (Жедел штаб мүшесi) Жедел штаб талаптары бойынша жылжымалы тамақтандыру пунктiн ұйымдастырады, үлкен көлемдi табиғи өрттердi сөндiруге жұмылдырылған күштер мен құралдарды азық-түлiкпен қамтамасыз етудi ұйымдастырады.
14. Аудан денсаулық сақтау бөлiмiнiң меңгерушiсi (Жедел штаб мүшесi) Жедел штаб талаптары бойынша үлкен көлемдi табиғи өрттердi сөндiру жұмыстары жүрiп жатқан жерлерге медициналық қызмет көрсетiлуiн қамтамасыз етедi.
15. Аудан iшкi iстер бөлiмiнiң бастығы (Жедел штаб мүшесi) үлкен көлемдi табиғи өрттер туындаған жағдайда:
1) өрт аумағындағы қоғамдық тәртiптi;
2) бөтен адамдардың өрт аумағында болуын жүктеудi;
3) өрт жерлерiне бағытталған техника колонналарын шығарып салуды;
4) Жедел штабтың талабы бойынша iшкi iстер бөлiмi жеке құрамын бөлiп берудi;
5) жергiлiктi халықты кезiнде азаматтардың уақытша орналасқан пункттерiн, тұрғын үй және өндiрiстiк ғимараттарды күзетудi, тонаушылыққа жол бермеудi, коменданттық қызметтi атқару мен ұйымдастыруды қамтамасыз етедi.
16. Аудан қаржы бөлiмiнiң меңгерушiсi (Жедел штаб мүшесi) жедел штаб талабы бойынша кәсiпорындар мен ұйымдардың үлкен көлемдi табиғи өрттердi сөндiру жұмсаған нақты шығындарының дұрыстығына тексеру жүргiзедi.
17. Ауданның жер ресурстарын басқару жөнiндегi комитеттiң төрағасы жедел штабтың талабы бойынша өрт қай жер иеленушiнiң аумағында болғандығы туралы хабарлама берсiн.

4. Жедел штабтың құзырлығы

18. Жедел штабтың құзырлығына жататындар:
1) жедел штабқа кiретiн барлық қызметтердiң өзара iс-қимыл жасау жөнiндегi нақты нұсқауларын жасайды;
2) жедел штабтың құрамына кiретiн қызметтердiң iстерiн үйлестiрудi жүзеге асырады;
3) үлкен көлемдi өрттердi сөндiру үшiн күштер мен құралдарды жұмылдырудың жыл сайынғы жоспарларын әзiрлейдi;
4) үлкен көлемдi өрттердi жою үшiн жергiлiктi атқарушы органдардың қарауына қаржы және материалдық қор құру туралы ұсынысты енгiзедi;
5) өрттердi сөндiру кезiнде күштер мен құралдардың өзара iстерi бойынша тәжiрибелiк жаттығулар жүргiзедi;
6) үлкен өрттердi сөндiру үшiн күштер мен құралдарды жұмылдыру жоспарларының орындалуы туралы жергiлiктi атқарушы органдардың басшыларының есебiн тыңдауды ұйымдастырады.

5. Жедел штабтың жұмысын ұйымдастыру

19. Жедел штаб қалыптасқан жағдайға қарай мынадай күн тәртiбiнде қызмет етедi:
1) күнделiктi қызмет (күту тәртiбi);
2) жоғары деңгейдегi дайындық;
3) төтенше дайындық.
20. Төтенше дайындық күн тәртiбiне енгiзiлген кезде күштер мен құралдарды iске қосу үшiн қолданылатын нақты уақыт төмендегiдей белгiленедi:
1) шұғыл ықпал ету жасағы үшiн көп дегенде екi сағат;
2) өртке қарсы және дәрiгерлiк қызметiне, қоғамдық тәртiптi қорғау қызмет үшiн көп дегенде төрт сағат;
3) барлық қалған қызметтер үшiн көп дегенде алты сағат.
21. Қызмет етудiң осы не басқадай күн тәртiбiнiң енгiзiлгендiгi туралы шешiмдi Жедел штабтың аға жедел бастығы енгiзедi.
22. Күнделiктi қызмет тәртiбiнде Жедел штаб және оның қарамағындағы күштер мен құралдар күнделiктi тәртiппен жұмыс iстейдi және өзiнiң негiзгi қызметiн атқарады.
23. Жоғары деңгейдегi дайындықтығы жедел штабтың барлық қызметi өз үлкен масштабты табиғи өртке жөнелту үшiн қарамағындағы бағытталған күш пен құралдарды толық дайын болу жағдайына жеткiзедi, және өзiнiң негiзгi қызметiн атқарады. Жоғары деңгейдегi дайындық тәртiбi ауа райын болжау орталығынан ұзақ құрғақшылық кезеңiнiң басталуы туралы хабар келген уақытта немесе басқа жағдайларда, жедел штабтың аға жедел бастығының өкiмi бойынша енгiзiледi.
24. Төтенше дайындық тәртiбiнде Жедел штабтың барлық қызметi және оның қарамағындағы құралдар табиғи өрттердi жоюға жөнелту үшiн толық дайын күйге келтiрiледi және өзiнiң үнемi тұрған орнында немесе Жедел штабтың өкiмiмен нұсқалған жерде орналасады. Төтенше дайындық тәртiбi табиғи өрттер туындаған жағдайда немесе Жедел штабтың аға жедел бастығының өкiмi бойынша енгiзiледi.
Табиғи сипаттағы төтенше жағдайлар аумақтары мен таратылма масштабтары келесi кестеде көрсетiлген:

Табиғи сипаттағы төтенше жағдай-лар	Өрттердiң аумағы	Жарақаттанған адамдар саны	Тiкелей және материалдық шығынның мөлшерi (ең аз көрсеткiшi, мың. теңге)
	Орманды, өзен аңғары, га	Дала, га		Астық дақылы, га	Қайтыс болғандар немесе жаралылар	өмiрлiк қызмет жағдайының бұзылуы
1	2	3	4	5	6	7
Объектiлiк	5-ке дейiн	20-ға дейiн	5-ке дейiн	10-ға дейiн	100-ден 300-ге дейiн	5000-нан кем
жергiлiктi	5-тен, 50-ге дейiн	20-дан	5-тен 50-ге дейiн	10-нан 50-ге дейiн	300-ден 500-ге дейiн	5000-нан 500000-ғадейiн

25. Нысанды аймақтағы төтенше жағдайларды жоюға басшылық жасау жер, орман жайылма қорларын ұстаушылары болып табылатын барлық меншiк нысанындағы шаруашылық басшыларына жүктеледi. өрттердi жою үшiн кәсiпорын мен ұйымдар күштерiнiң құралдары қолданылады.
26. Нысанды аймақтағы төтенше жағдайларды жоюға басшылық жасау ауданның ауылдық округтегiнiң сөндiрушi штабтарына жүктеледi. Мұндай өрттердi жою үшiн жер, орман жайылма қорларын ұстаушылардың күштерi мен құралдары қолданылады.
27. Жергiлiктi жердегi төтенше жағдайларды жоюға басшылық жасау Жедел штабқа жүктеледi. Өрттердi жою үшiн өзен аңғары, жер, орман қорын ұстаушылардың күштерi мен құралдары және сондай-ақ, ауданның мекен-жайларында өрт сөндiрудiң жедел жоспары мен ауылдық аумақтарда үлкен өрттердi сөндiру үшiн күштер мен құралдар тарту жоспарына сай әр түрлi меншiк нысанындағы кәсiпорындардың күштерi мен құралдары қолданылады.