Ескерту. Күші жойылды - Оңтүстік Қазақстан облысы Арыс қалалық мәслихатының 30.06.2011 № 45/283-IV шешімімен.
Қазақстан Республикасының "Қазақстан Республикасындағы жергiлiктi мемлекеттiк басқару туралы" Заңының 6 бабының 1 тармағының 15 тармақшасына, 7 бабының 5 тармағына және Қазақстан Республикасының "Агроөнеркәсiптiк кешендi және ауылдық аумақтарды дамытуды мемлекеттiк реттеу туралы" Заңының 18 бабының 4 тармағына сәйкес қалалық мәслихат ШЕШТІ:
1. Ауылдық елдi мекендерде жұмыс iстейтiн денсаулық сақтау, әлеуметтiк қамсыздандыру, бiлiм беру, мәдениет және спорт мамандарына қызметтiң осы түрлерiмен қалалық жағдайда айналысатын мамандардың ставкаларымен салыстырғанда 25 процентi жоғары айлық ақы мен тарифтiк ставкалар белгiленсiн.
2. Қалалық мәслихаттың 2001 жылғы 5 сәуiрдегi "Ауылдық жерлердегi қызметкерлерге 25 пайыз төлеу туралы" N 9/81-II шешiмiнiң күшi жойылды деп танылсын.
3. Осы шешiм алғашқы ресми жарияланғаннан кейiн күнтiзбелiк он күн өткен соң қолданысқа енгiзiледi.
Қалалық мәслихат сессия төрағасы: Т. Садыбаев
Қалалық мәслихат хатшысы: Ө. Керiмқұлов
