2009 жылы ақылы қоғамдық жұмыстарды ұйымдастыру туралы

Күшін жойған

Алматы облысы Кербұлақ ауданы әкімдігінің 2009 жылғы 23 қаңтардағы N 12 қаулысы. Алматы облысы әділет департаменті Кербұлақ ауданының әділет басқармасында 2009 жылы 12 ақпанда N 2-13-88 тіркелді. Күші жойылды - Алматы облысы Кербұлақ ауданы әкімдігінің 2010 жылғы 27 қаңтардағы N 13 қаулысымен

Ескерту. Күші жойылды - Алматы облысы Кербұлақ ауданы әкімдігінің 2010.01 27 N 13 Қаулысымен

РҚАО ескертпесі.
Мәтінде авторлық орфография және пунктуация сақталған.

Қазақстан Республикасының "Халықты жұмыспен қамту туралы" Заңының 20-бабына, Қазақстан Республикасының "Қазақстан Республикасындағы жергілікті мемлекеттік басқару туралы" Заңының 31-бабы 1 тармағы 13) тармақшасына сәйкес аудан әкімдігі ҚАУЛЫ ЕТЕДІ:
1. Ақылы қоғамдық жұмыс ұсыныс пен сұранысқа сай, жұмыссыз азаматтар үшін уақытша жұмыс орнын ашу жолымен ұйымдастырылсын. Ұйымдардың тізімі, түрлі жұмыс орындарының саны қосымшаға сәйкес айқындалсын.
2. Аудандық жұмыспен қамту және әлеуметтік бағдарламалар бөлімі (А.Диханбаева):
1) қосымшада көрсетілген қоғамдық жұмыстар көлеміне байланысты жұмыс берушілермен келісім шартқа отырсын;
2) есепте тұрған жұмыссыздарды қоғамдық жұмыстарға жіберуді кезектілік тәртібімен жүзеге асырсын және қоғамдық жұмыстарға тартылған жұмыссыздар мен жұмыс берушілер арасында жасалған екі жақты келісімнің орындалуын қамтамасыз етсін;
3) нақты атқарылған қоғамдық жұмысқа ақы төлеу жұмыс беруші мен жұмыссыздың жеке еңбек келісім шарты бойынша Қазақстан Республикасының жергілікті бюджеттен қаржыландырылатын ең төменгі еңбекақы мөлшерінен төмен емес мөлшерде жұмыс уақытының есебі көрсетілген табель негізінде жүргізілсін.
3. Кербұлақ аудандық Әділет басқармасында нормативтік құқықтық актілердің мемлекеттік тіркеу тізілімінде 2008 жылдың 31 қаңтарында N 2-13-60 болып тіркелген (аудандық "Кербұлақ жұлдызы" басылымында 2008 жылдың 1 ақпанындағы N 5 санында жарияланған), аудан әкімдігінің 2008 жылғы 24 қаңтардағы "2008 жылы ақылы қоғамдық жұмыстарды ұйымдастыру туралы" N 14 қаулысының күші жойылды деп танылсын.
4. Осы қаулының орындалуын бақылау аудан әкімінің орынбасары Б. Момбаевқа жүктелсін.
5. Осы қаулы алғаш ресми жарияланғаннан кейін күнтізбелік он күн өткен соң қолданысқа енгізіледі.

Аудан әкімі Н. Жантілеуов

Кербұлақ аудандық әкімдігінің
2009 жылғы 23 қаңтарындағы
"2009 жылы ақылы қоғамдық
жұмыстарды ұйымдастыру туралы"
N 12 қаулысына
қосымша

Ақылы қоғамдық жұмыстарды ұйымдастыру түрлері, көлемі және жұмыс берушілердің тізімі

р/с	Жұмыс берушілер	Уақытша орындалатын қоғамдық жұмыстар түрлері	Қатысатын жұмысшылардың саны	Атқарылатын жұмыстардың мерзімі	Айлық есептік көрсеткіш (теңге)	Қаржыландыру көзі (мың теңге)
1	Сарыөзек, Жайнақ, Сарыбастау, Көксу, Талдыбұлақ, Басши, Жоламан, Шанханай, Қарашоқы, Шұбар, Сарыбұлақ, Қаспан, Қызылжар, Қоғалы, Алтынемел Ауыл-кент округ әкімдері	Тұрғын үй коммуналдық жүйесіне өнеркәсіптік мекемелердің, елді мекендердің аулаларын тазалауға көмек көрсету, көгалдандыру, көркейту, экологиялық тазалық жұмыстарын жүргізу және бұзылған үйлердің орындарын тазалау. Жолдарды ретке келтіру, су құбырларын жөндеу жұмыстары. Әлеуметтік мәдени объектерді күрделі және ағымды жөндеуден өткізуге көмектесу. Тарихи архитектуралық ескерткіштерді қалпына келтіру. Мәдениетті және спорттық бағыттағы үлкен іс шараларды ұйымдастыруға көмектесу (спорттық жарыстар, мерекелер мен фестивальдар) Республикалық аймақтық серіктестік жұмыстарына қатысу (халық санағын жүргізу, жастарды әскери дайындыққа шақыру т.б.) Малдарды сырғалау, таңбалау және малды ұрықтандыру жұмыстарына көмектесу. Кітаптарды қалпына келтіру. Мүгедек азаматтар мен және мүгедек балалар мен жұмыс жүргізу. Атаулы әлеуметтік көмекті және 18 жасқа дейінгі балаларға арналған көмекті алушылардың құжаттарын қабылдауға көмектесу. Мұражайларға көмек жұмыстарын көрсету. Жастар ұйымының жұмыстарын, есірткіге мұқтаж жастар мен және СПИД ауруларына қарсы күрес жұмыстарын жүргізу. Ұлы Отан соғысы ардагерлерінің, мүгедектердің, соғыс ардагерлердің жесір қалған әйелдердің және жалғыз басты қарттардың үйлеріне құрылыс, жөндеу жұмыстарына көмектесу және газет журнал, хаттарды жеткізіп беру. Малдың өлексесін тастайтын ұраларды қоршау, шартты белгілерін ілу. Спорттық клубтарды дамыту және үйірме жұмыстарын арттыру. Халық салт-дәстүрін қайта жандандыруға көмек көрсету. Балалардың демалыс уақытында демалыс лагеріне көмек көрсету. Тұрмысы төмен отбасыларына құжаттандыруға көмек көрсету. Шаруашылық кітаптарды толтыру.	270 адам	3 ай	12730	Жергілікті бюджеттен 10299,9
2	"Аудандық қорғаныс істері жөніндегі бөлімі" Мемлекеттік мекемесі	Балаларды әскерге шақыру науқанында көмек көрсету, оларға шақыру қағаздарын тарату.	4 адам	3 ай	12730	Жергілікті бюджеттен 152,8
3	Алматы облыстық мемлекеттік мұрағатының Кербұлақ ауданының дербес бөлімшесі	Мұрағаттық құжаттарды қалпына келтіру, сөрелеу, тігу, жаңғырту жұмыстарын жүргізу	2 адам	3 ай	12730	Жергілікті бюджеттен 76,4
4	Кербұлақ аудандық жұмыспен қамту және әлеуметтік бағдарламалар бөлімі үкіметтік емес ұйымдармен ынтымақтастықты жақсартып бірлесе отырып жұмыстарын ұйымдастыру	Соғыс ардагерлері, жалғыз басты қарттарға және мүгедек адамдарға көмек көрсету жұмыстарын жүргізуі, үйлерін ақтау, сырлау, қысқа алғаш отындарын дайындау азық-түліктерін, дәрі-дәрмектерін және суларын жеткізіп беру. Алғашқы медициналық көмек көрсету. Газет журналдарын, хаттарын жеткізіп беру. Жұмыссыз жастарға жұмыс іздеу клубы	5 адам	6 ай	12730	Жергілікті бюджеттен 381,9
5	Барлығы		270 адам			10911,0

Аппарат басшысы С. Мұстафанов