"Жергілікті маңызы бар балық шаруашылығы су айдындарының тізбесін бекіту туралы" Жамбыл облысы әкімиятының 2007 жылғы 29 наурыздағы № 65 қаулысына толықтырулар енгізу туралы

Күшін жойған

Жамбыл облысы әкімдігінің 2009 жылғы 29 қазандағы № 331 Қаулысы. Жамбыл облысының Әділет департаментінде 2009 жылғы 08 желтоқсанда № 1734 тіркелді. Күші жойылды - Жамбыл облыстық әкімдігінің 2015 жылғы 28 желтоқсандағы № 326 қаулысымен

РҚАО-ның ескертпесі.
Құжаттың мәтінінде түпнұсқаның пунктуациясы мен орфографиясы сақталған.
Ескерту. Күші жойылды - Жамбыл облыстық әкімдігінің 28.12.2015 № 326 қаулысымен (алғашқы ресми жарияланған күнінен кейін күнтізбелік 10 күн өткен соң қолданысқа енгізіледі).
"Жануарлар дүниесін қорғау, өсімін молайту және пайдалану туралы" Қазақстан Республикасының 2004 жылғы 9 шілдедегі Заңының 10 бабындағы 2 тармағының 3) тармақшасына сәйкес және "Қазақстан Республикасының Ауыл шаруашылығы министрлігі балық шаруашылығы комитетінің "Шу-Талас облысаралық бассейндік балық шаруашылығы инспекциясы" мемлекеттік мекемесінің 2009 жылғы 3 қыркүйектегі № 01-10-03/545 ұсынымы негізінде Жамбыл облысының әкімдігі ҚАУЛЫ ЕТЕДІ:
1. "Жергілікті маңызы бар балық шаруашылығы су айдындарының тізбесін бекіту туралы" Жамбыл облысы әкімиятының 2007 жылғы 29 наурыздағы № 65 қаулысына (Нормативтік құқықтық актілердің мемлекеттік тіркеу тізілімінде № 1660 болып тіркелген, 2007 жылдың 12 мамырында "Ақ жол" және 2007 жылдың 12 мамырында "Знамя труда" облыстық газеттерінде жарияланған; "Жергілікті маңызы бар балық шаруашылығы су айдындарының тізбесін бекіту туралы" Жамбыл облысы әкімиятының 2007 жылғы 29 наурыздағы № 65 қаулысына өзгерістер енгізу туралы" Жамбыл облысы әкімиятының 2008 жылғы 25 желтоқсандағы № 407 қаулысымен өзгерістер енгізілген; Нормативтік құқықтық актілердің мемлекеттік тіркеу тізілімінде № 1719 болып тіркелген, 2009 жылдың 12 ақпанында № 25-26 "Ақ жол" және 2009 жылдың 12 ақпанында № 25 "Знамя труда" облыстық газеттерінде жарияланған) келесі толықтырулар енгізілсін:
Осы қаулымен бекітілген жергілікті маңызы бар балық шаруашылығы су айдындарының тізбесінде:
"Су айдындарының атауы" бағанасындағы:
1 - жол "19. Қарабақыр" деген сөздермен толықтырылсын;
2 - жол "10. Кіші Ақкөл", "11. Шоқай", "12. Рахат", "13. Бөкен" деген сөздермен толықтырылсын;
3 - жол "5. Шақпақ", "6. Төрт ауыл", "7. Ақтөбе", "8. Мырзабұлақ", "9. Қамыскөл", "10. Қожағұл бұлақ" деген сөздермен толықтырылсын;
4 – жол "9. 4-бөлімше", "10. Юбилейное" деген сөздермен толықтырылсын;
5 - жол "9. 25 км", "10. Қазақстан", "11. Қызыл қыстақ", "12. Төменгі Мақанды", "13. Чистые пруды" деген сөздермен толықтырылсын;
9 - жол "4. Қайыңды" деген сөздермен толықтырылсын.
Тізбе келесі мазмұндағы 10 - жолмен толықтырылсын:

10

Қордай ауданы

1. Аңырақай 2. Ақбұлым 3. Майбұлақ

2. Осы қаулы әділет органдарында мемлекеттік тіркелген күннен бастап күшіне енеді және алғаш ресми жарияланғаннан кейін күнтізбелік он күн өткен соң қолданысқа енгізіледі.

Облыс әкімі

Б. Жексембин