Қазақстан Республикасының "Қазақстан Республикасындағы жергілікті мемлекеттік басқару және өзін-өзі басқару туралы", "Халықты жұмыспен қамту туралы" Заңдарына сәйкес, аудан әкімдігі ҚАУЛЫ ЕТЕДІ:
1. Қоса беріліп отырған қосымшаға сәйкес Бөрлі ауданы бойынша нысаналы топтарға жататын адамдардың қосымша тізбесі белгіленсін.
2. "Бөрлі ауданының жұмыспен қамту және әлеуметтік бағдарламалар бөлімі" мемлекеттік мекемесі халықтың нысаналы топтарын жұмыспен қамтуға жәрдемдесу жөніндегі шараларды қамтамасыз етсін.
3. Аудан әкімдігінің "Халықтын нысаналы топтарының тізбесін анықтау туралы" 2009 жылғы 23 сәуірдегі N 257 (Нормативтік құқықтық актілерді мемлекеттік тіркеу тізімінде N 7-3-79, 2009 жылдың 26 маусымда N 49 Бөрлі жаршысы-Бурлинские вести газетінде жарияланған) қаулысының күші жойылсын.
4. Осы қаулы алғаш ресми жарияланған күннен бастап қолданысқа енгізіледі.
5. Осы қаулының орындалуын бақылау аудан әкімінің орынбасары Т. Сидыққа жүктелсін.
Аудан әкімі Б. Шакимов
Аудан әкімдігінің
2010 жылғы 25 шілдедегі
N 578 қаулысына қосымша
Бөрлі ауданы нысаналы топтарға
жататын адамдардың қосымша
тізбесі
1. Аз қамтылғандар;
2. Елу жастан асқандар;
3. Ұзақ уақыт жұмыс істемегендер (1 жылдан аса);
4. Жиырма төрт жасқа дейінгі алған мамандығы бойынша тәжірибесі мен еңбек өтілі жоқ жоғары, орта, бастауыш кәсіптік оқу орындарының түлектері;
5. Жұмыспен қамту жөніндегі өкілетті органның жолдамасы бойынша кәсіби білім алған жұмыссыздар;
6. Жалпы білім беретін мектеп оқушылары, жоғары, орта, бастауыш кәсіптік оқу орындарының студенттері (жазғы демалыс уақытында).
