Ескерту. Күші жойылды - Ақмола облысы Көкшетау қалалық мәслихатының 23.04.2013 № С-16/16 шешімімен.
РҚАО ескертпесі:
Мәтінде авторлық орфография және пунктуация сақталған.
«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 6 бабының 1 тармағының 1) тармақшасына, «Агроөнеркәсіптік кешенді және ауылдық аумақтарды дамытуды мемлекеттік реттеу туралы» Қазақстан Республикасының 2005 жылғы 8 шілдедегі Заңының 18 бабының 5 тармағына сәйкес, Көкшетау калалық мәслихаты ШЕШІМ ЕТТІ:
1. Ауылдық елді мекендерінде тұратын және жұмыс істейтін әлеуметтік қамтамасыз ету, білім беру, мәдениет және спорт мемлекеттік ұйымдарының мамандарына отын сатып алу үшін жылына бір рет 12,0 айлық есептік көрсеткіш мөлшерінде әлеуметтік көмек берілсін.
2. Әлеуметтік көмек «Қазпошта» акционерлік қоғамы Ақмола облыстық филиалындағы алушының есеп шотына ақшаны аудару жолымен жүзеге асырылатындығы ескерілсін.
3. Осы шешім Ақмола облысының Әділет департаментінде мемлекеттік тіркелген күннен бастап күшіне енеді және ресми жарияланған күннен бастап қолданысқа енгізіледі.
Бесінші шақырылған Көкшетау
қалалық мәслихатының 12
кезектен тыс сессияның төрағасы Ж.Әміржанов
Бесінші шақырылған
Көкшетау қалалық
мәслихатының хатшысы Б.Бегалин
«КЕЛІСІЛДІ»
Көкшетау қаласының әкімі М.Батырханов
