"Ветеринария туралы" Қазақстан Республикасының 2002 жылғы 10 шілдедегі Заңының 10-1 бабының 8) тармақшасына, "Құқықтық актілер туралы" Қазақстан Республикасының 2016 жылғы 16 сәуірдегі Заңының 46-бабының 2-тармағына және Отырар аудандық аумақтық инспаекция басшысының 2018 жылғы 4 маусымындағы № 133 ұсынысы негізінде, Аққұм ауыл округінің әкімі ШЕШІМ ҚАБЫЛДАДЫ:
1. Күшіктің құтырық ауруының ошақтарын жоюға қатысты ветеринариялық іс-шаралар кешенінің жүргізілуіне байланысты Отырар ауданы Аққұм ауыл округіне қарасты Аққұм ауылы Б.Әбдрахманов көшесінің аумағында шектеу іс-шаралары алып тасталсын.
2. Отырар ауданы Аққұм ауылдық округі әкімінің 2018 жылғы 24 мамырдағы № 8 "Аққұм ауылдық округіне қарасты Аққұм ауылы Б.Әбдрахманов көшесінің аумағына шектеу іс-шараларын белгілеу туралы" (Нормативтік құқықтық актілерді мемлекеттік тіркеу тізілімінде № 4620 болып тіркелген, 2018 жылғы 8 маусымдағы "Отырар алқабы" қоғамдық-саяси газетінің № 23 жарияланған және 2018 жылы 6 маусымда Қазақстан Республикасының нормативтік құқықтық актілерінің эталондық бақылау банкінде электрондық түрде жарияланған) шешімінің күші жойылды деп танылсын.
3. Осы шешімнің орындалуын өзіме қалдырамын.
4. Осы шешім оның алғашқы ресми жарияланған күнінен бастап қолданысқа енгізіледі.
| Ауыл округі әкімі | С.Әлішері |
