ЗҚАИ-ның ескертпесі.
Құжаттың мәтінінде түпнұсқаның пунктуациясы мен орфографиясы сақталған.
Қазақстан Республикасының 1993 жылғы 8 желтоқсандағы "Қазақстан Республикасының әкімшілік – аумақтық құрылысы туралы" Заңының 14-бабының 4) тармақшасына, Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқарутуралы" Заңының 35 –бабына сәйкес, Шығыс Қазақстан облысы ономастикалық комиссиясының 2018 жылғы 15 маусымдағы қорытындысы негізінде, халықтың пікірін ескере отырып, Ертіс ауылдық округінің әкімі ШЕШТІ:
1. Мұқыр ауылында келесі көшелері қайта аталсын:
"Коммунистическая" көшесі "Еңбекші" көшесі болып;
"Советская" көшесі "Атамұра" көшесі болып;
"Комсомольская" көшесі "Ынтымақ" көшесі болып;
"Пролетарская" көшесі "Алаш" көшесі болып.
Мұрат ауылында "Советская" көшесі "Достық" көшесі болып қайта аталсын.
2. "Шығыс Қазақстан облысы Семей қаласы Ертіс ауылдық округі әкімінің аппараты" мемлекеттік мекемесі заңнамада белгіленген тәртіппен:
1) осы шешімнің аумақтық әділет органында мемлекеттік тіркелуін;
2) осы шешім мемлекеттік тіркелгеннен кейін күнтізбелік он күн ішінде оның көшірмесінің Семей қаласының аумағында таратылатын мерзімді баспа басылымдарына ресми жариялауға жолданылуын;
3) осы шешімді оны ресми жариялағаннан кейін Семей қаласы әкімдігінің интернет – ресурсында орналастырылуын қамтамасыз етсін.
3. Осы шешімнің орындалуын бақылауды өзіме қалдырамын.
4. Осы шешім оның алғашқы ресми жарияланған күнінен бастап қолданысқа енгізіледі.
| Әкім | Х. Сейтхасимов |
