"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасы Заңының 35-бабына, "Ветеринария туралы" Қазақстан Республикасы Заңының 10-1-бабы 8) тармақшасына, "Құқықтық актілер туралы" Қазақстан Республикасы Заңының 27-бабына сәйкес, Қазақстан Республикасы Ауыл шаруашылығы министрлігі Ветеринариялық бақылау және қадағалау комитетінің Көкпекті аудандық аумақтық инспекциясының 27 қыркүйектегі 2021 жылғы № 01-11/369 ұсынысы негізінде ШЕШТІМ:
1. Ірі қара малдың бруцеллез ауруын жою жөніндегі ветеринарлық іс шаралар кешенінің жүргізілуіне байланысты, Көкпекті ауданы Көкпекті ауылдық округінің Шәріптоғай ауылының аумағында белгіленген шектеу іс – шаралары тоқтатылсын.
2. "Көкпекті ауданы Көкпекті ауылдық округінің Шәріптоғай ауылында шектеу іс-шараларын белгілеу туралы" Көкпекті ауылдық округі әкімінің 2021 жылғы 4 мамырдағы № 1 шешімінің (Нормативтік құқықтық актілерді мемлекеттік тіркеу тізілімінде № 8732 болып тіркелген) күші жойылды деп танылсын.
3. Осы шешімнің орындалуын бақылауды өзіме қалдырамын.
4. Осы шешім оның алғашқы ресми жарияланған күнінен кейін қолданысқа енгізіледі.
| Көкпекті ауылдық округі әкімі | К. Алгазинов |
