Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 35 бабына, Қазақстан Республикасының 2002 жылғы 10 шілдедегі "Ветеринария туралы" Заңының 10-1 бабының 8) тармақшасына сәйкес және "Қазақстан Республикасы Ауыл шаруашылығы министрлігінің Ветеринариялық бақылау және қадағалау комитеті Байғанин аудандық аумақтық инспекциясы" мемлекеттік мекемесінің бас мемлекеттік ветеринариялық-санитариялық инспекторының 2019 жылғы 24 сәуірдегі № 2-8-05/75 ұсынысы негізінде, Байғанин ауданы Миялы ауылдық округінің әкімі ШЕШІМ ҚАБЫЛДАДЫ:
1. Байғанин ауданы Миялы ауылдық округінің Дияр ауылында орналасқан "Айдос" шаруа қожалығының аумағында түйелер арасынан құтыру ауруының ошақтарын жою бойынша кешенді ветеринариялық іс-шаралары жүргізілгендігіне байланысты, белгіленген шектеу іс-шаралары алынсын.
2. Байғанин ауданы Миялы ауылдық округі әкімінің 2019 жылғы 5 наурыздағы № 1 "Шектеу іс-шараларын белгілеу туралы" (нормативтік құқықтық актілерді мемлекеттік тіркеу Тізілімінде № 5987 болып тіркелген, 2019 жылғы 21 наурызда "Жем-Сағыз" газетінде жарияланған) шешімінің күші жойылды деп танылсын.
3. Ақтөбе облысы Байғанин ауданы Миялы ауылдық округі әкімінің аппараты" мемлекеттік мекемесі заңнамада белгіленген тәртіппен:
1) осы шешімді Ақтөбе облысының Әділет департаментінде мемлекеттік тіркеуді;
2) осы шешімді Қазақстан Республикасы нормативтік құқықтық актілерінің электрондық түрдегі Эталондық бақылау банкінде ресми жариялауға жіберуді қамтамасыз етсін.
Ескерту. 3 тармаққа өзгерістер енгізілді - Ақтөбе облысы Байғанин ауданы Миялы ауылдық округі әкімінің 10.11.2020 № 9 шешімімен (алғашқы ресми жарияланған күнінен бастап қолданысқа енгізіледі).4. Осы шешім оның алғашқы ресми жарияланған күнінен бастап қолданысқа енгізіледі.
| Миялы ауылдық округінің әкімі | И. Мәнібаев |
