Қазақстан Республикасының "Ветеринария туралы" Заңының 10-1-бабының 8) тармақшасына, Қазақстан Республикасының "Құқықтық актілер туралы" Заңының 27-бабының 1-тармағына сәйкес және Мағжан Жұмабаев ауданының бас мемлекеттік ветеринариялық - санитариялық инспекторының 2021 жылғы 3 қарашадағы №220 ұсынысы негізінде, ШЕШТІМ:
1. Мағжан Жұмабаев ауданы Лебяжье ауылдық округінің Лебяжье ауылы аумағында жұқпалы құс тұмауы ауруын жою бойынша кешенді ветеринариялық іс-шаралардың жүргізілуіне байланысты, белгіленген карантин тоқтатылсын.
2. Мағжан Жұмабаев ауданы Лебяжье ауылдық округінің әкімінің 2021 жылғы 28 қыркүйектегі № 15 "Карантин белгілеу туралы" шешімінің (Нормативтік құқықтық актілерді мемлекеттік тіркеу тізілімінде № 24560 болып тіркелген) күші жойылды деп танылсын.
3. Осы шешімнің орындалуын бақылауды өзіме қалдырамын.
4. Осы шешім оның алғашқы ресми жарияланған күннен бастап қолданысқа енгізіледі.
| Ауылдық округі әкімі | Ш. Умарова |
