"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасы Заңының 35-бабына, "Ветеринария туралы" Қазақстан Республикасы Заңының 10-1-бабының 8) тармақшасына, "Құқықтық актілер туралы" Қазақстан Республикасы Заңының 27-бабына сәйкес және Қазақстан Республикасы Ауыл шаруашылығы министрлігі ветеринариялық бақылау және қадағалау комитетінің Көкпекті аудандық аумақтық инспекция басшысының 2020 жылғы 10 желтоқсандағы № 01-22/466 ұсынысы негізінде, ШЕШТІМ:
1. Ірі қара малдың бруцеллез ауруын жою жөніндегі ветеринарлық іс шаралар кешенінің жүргізілуіне байланысты, Көкпекті ауданы Тассай ауылдық округінің Үшкөмей ауылында белгіленген шектеу іс – шаралары тоқтатылсын.
2. Шығыс Қазақстан облысы Көкпекті ауданы Тассай ауылдық округі әкімінің "Көкпекті ауданы Тассай ауылдық округінің Үшкөмей ауылында шектеу іс-шараларын белгілеу туралы" 2020 жылғы 6 тамыздағы № 2 (Нормативтік құқықтық актілерді мемлекеттік тіркеу тізілімінде №7436 болып тіркелген) шешімнің күші жойылды деп танылсын.
3. Осы шешімнің орындалуын бақылауды өзіме қалдырамын.
4. Осы шешім оның алғашқы ресми жарияланған күнінен бастап қолданысқа енгізіледі.
| Тассай ауылдық округінің әкімі | Е. Мазыбаев |
