Шектеу іс-шараларын алу және Малайсары селолық округі әкімінің 2015 жылғы 25 қыркүйектегі "Май ауданы Малайсары ауылдық округінің "Арман" шаруа қожалығында шектеу шараларын енгізумен байланысты ветеринарлық режимді белгілеу туралы" № 3 шешімінің күші жойылды деп тану туралы

Павлодар облысы Май ауданы Малайсары селолық округі әкімінің 2016 жылғы 13 қаңтардағы № 4 шешімі

Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 35-бабына, Қазақстан Республикасының 2002 жылғы 10 шілдедегі "Ветеринария туралы" Заңының 10-1 бабының 8 тармағына сәйкес және Май аудандық аумақтық инспекциясының мемлекеттік бас ветеринариялық-санитариялық инспекторының 2016 жылғы 12 қаңтардағы № 1 ұсынысы негізінде, Малайсары селолық округінің әкімі ШЕШТІ:
1. Май ауданы Малайсары ауылдық округінің Жаңасарай бөлімшесінде және Малайсары ауылдық округі Малайсары ауылының "Елубай" жайлауында орналасқан "Арман" шаруа қожалығының аумағында жылқы ринопневмониясы ауруын жою бойынша кешенді ветеринариялық-санитарлық іс-шараларды жүргізумен байланысты белгіленген шектеу іс-шаралары алынсын.
2. Малайсары селолық округі әкімінің 2015 жылғы 25 қыркүйектегі "Май ауданы Малайсары ауылдық округінің "Арман" шаруа қожалығында шектеу шараларын енгізумен байланысты ветеринарлық режимді белгілеу туралы" № 3 шешімінің (Павлодар облысы Әділет департаментінің нормативтік құқықтық актілер тізілімінде 2015 жылы 27 қазанда № 4769 болып тіркелген, аудандық "Шамшырақ" газетінің 2015 жылғы 7 қарашадағы № 4 5(8231) санында жарияланған, "Әділет" ақпараттық-құқықтық жүйесінде 2015 жылдың 2 қараша айында ресми жарияланған) күші жойылды деп танылсын.
3. Осы шешімнің орындалуын бақылауды өзіме қалдырамын.

Селолық округінің әкімі

С. Өмірбеков