"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының Заңына, Қазақстан Республикасының "Құқықтық актілер туралы" Заңының 27 бабына, "Ветеринария туралы" Қазақстан Республикасының Заңының 10-1 бабының 8) тармақшасына сәйкес, Төлеби ауданының бас мемлекеттік ветеринариялық-санитариялық инспекторының 2021 жылғы 27 мамырдағы № 08-02-07/179 ұсынысы негізінде ШЕШТІМ:
1. Киелітас ауылдық округі Сұлтанрабат елді мекені Бадам көшесінде мүйізді ірі қара мал арасында бруцеллез ауруын жою бойынша ветеринариялық іс-шаралар кешенінің жүргізілуіне байланысты шектеу іс-шаралары тоқтатылсын.
2. Киелітас ауылдық округі әкімінің "Киелітас ауылдық округі Сұлтанрабат елді мекені Бадам көшесінде бруцеллез ауруы бойынша шектеу шараларын белгілеу туралы" 2021 жылғы 13 сәуірдегі № 7 (нормативтік құқықтық актілерді мемлекеттік тіркеу тізілімінде№ 6169 болып тіркелген) шешімінің күші жойылды деп танылсын.
3. "Төлеби ауданының Киелітас ауылдық округі әкімінің аппараты" мемлекеттік мекемесі Қазақстан Республикасының заңнамасында белгіленген тәртіпте:
1) осы шешімнің Қазақстан Республикасы Әділет Министрлігіне мемлекеттік тіркелуін;
2) осы шешімді ресми жарияланғаннан кейін Төлеби ауданы әкімдігінің интернет-ресурсына орналастыру қамтамасыз етсін.
4. Осы шешімнің орындалуын бақылауды ауылдық округ әкімінің орынбасары Н.С.Садықбековке жүктелсін.
5. Осы шешім алғашқы ресми жарияланған күнінен кейін күнтізбелік он күн өткен соң қолданысқа енгізіледi.
| Әкім | П. Туребеков |
