"Қазақстан Республикасындағы көлік туралы" Қазақстан Республикасы Заңының 13 - бабына сәйкес, Атырау қаласының әкімдігі ҚАУЛЫ ЕТЕДІ және Атырау қаласының Мәслихаты ШЕШТІ:
1. Келесі санаттағы азаматтарға қалалық және қаламаңы қоғамдық көлікте (таксиден басқа) тегін жол жүру белгіленсін:
1) Ұлы Отан Соғысының ардагерлеріне және жеңілдіктер бойынша Ұлы Отан соғысының ардагерлеріне теңестірілген ардагерлерге;
2) басқа мемлекеттердің аумағындағы ұрыс қимылдарының ардагерлеріне;
3) бірінші, екінші топтағы мүгедектігі бар адамдар;
4) "Алтын алқа", "Күміс алқа" наградталған немесе бұрын "Батыр ана" атағы алған көпбалалы аналар.
2. Келесі санаттағы азаматтарға қалалық және қаламаңы қоғамдық көліктегі (таксиден басқа) тариф құнының 50% көлемінде жеңілдетілген жол жүру белгіленсін:
1) жасы бойынша зейнеткерлерге;
2) көп балалы аналарға (4 балалары бар);
3) үшінші топ мүгедектігі бар адамдарға.
3. Осы бірлескен Атырау қаласы әкімдігінің қаулысы мен Атырау қаласы Мәслихатының шешімі олардың алғашқы ресми жарияланған күнінен кейін он күнтізбелік күн өткен соң қолданысқа енгізіледі.
| Атырау қаласының әкімі | М. Қалауи |
| Атырау қаласы Мәслихатының төрағасы | Н.Құрман |
